BI GUNE: BI MUNDU:Garabiaren kokapenak bi gune sortzen ditu, bat barnekaldera eta bestea portura, itsasora irekia. Bihurgunearen erdialdean finkatzen da egitura, tentsore batzuen bitartez lotuta. Bihurgunearen erdialde honetan finkatzen da gune nagusietako bat, itxia, landarediaz josia, eta gure txori-biztanleentzako bizitokia eta elikagaien gunea izango dena. Portu aldeko bigarren gunea berriz, pasuzko gunea izango da, irekiagoa, txori-nomadak hartuko dituenak bere barne, edota txorientzako hegan egiteko gunea izango dena. Bestalde, gune hau urarekin kontaktuan egongo denez, itsas txoriak erakarriko ditu. Bi mundu hauen kontrasteak sortuko du biodibertsitatea gure txoritokian.
Les Calanques parke naturaleko florari begira ere planteatu dugu landaredia, bi gune hauek arlo hortan ere desberdinduz. Gune dentsoko landaredia barnealdeko mediterraneokoa izango da, beste aldeko begetazioa kostaldekoari zuzenduagoa.
Landareak lau guneetan haziko dira, lehengo gunea bihurgunea izango da, bigarrena garabiaren goikaldean sortuko den lorontzi eskegia, hirugarrena portualdean garabia eusten duten sokak ainguratzen diren flotagarriak eta itsas azpiko algak.
- Bihurgunea: Gune honetan sortu nahi dugun basoko zuhaitzen sustraientzako betelan proposatu dugu, errepidearen maldarekin bat egingo duena, honela garabiaren hankak partzialki lurperatuak geldituko dira.
- Lorontzi eskegia: Garabiaren besoko beheko zati guztia, nukleo bertikala izan ezik, estali eta lurrez bete dugu, honela landare igokariak landatu ahal izango dira. Alderantziz dagoen zuhaitz bat imitatuz eta horrela txoriak erakarri.
- Txinpatos flotagarriak: Ahateentzako zein bestelako itsas hegaztientzako sortutako begetazio irlak hauen ugalketa eta bizitokia bermatzeko.
- Itsas azpiko algak: Behekaldeak kokaturiko arroketan sorturikoak txorien elikaduran parte hartuko dutena, zuzenean edo haiek jandako arrainen elikadura moduan.
No hay comentarios:
Publicar un comentario